زیر تعمیر بھارہ کہو پل کا شٹرنگ گرنے سے پانچ افراد زخمی

Shameel Khokhar News - 25 February 2023

بھارہ کہو پل کا شٹرنگ گرنے سے زیر تعمیر پانچ افراد زخمی

اسلام آباد: ہفتے کی صبح زیر تعمیر بہارہ کہو بائی پاس فلائی اوور کا شٹر گرنے سے کم از کم پانچ مزدور زخمی ہو گئے، جس سے علاقے کے راہگیروں میں خوف و ہراس پھیل گیا۔ ریسکیو ٹیموں نے جائے وقوعہ پر پہنچ کر تین مزدوروں کو ملبے سے نکال لیا جبکہ باقی دو کو بچانے کی کوششیں جاری ہیں۔ واقعے کے بعد زخمیوں کو قریبی اسپتال منتقل کردیا گیا۔ ریسکیو حکام کے مطابق اس پر بھاری تعمیراتی میٹریل ڈالا جا رہا تھا کہ حصہ دھنس گیا۔ 5.6 کلومیٹر طویل بہارہ کہو بائی پاس (بشمول 1 کلومیٹر فلائی اوور) مری روڈ مالپور سے شروع ہوتا ہے اور مری روڈ پر جوگی بس اسٹاپ کے قریب ختم ہوتا ہے جہاں سے فلائی اوور شروع ہو کر مری کی طرف مقامی بازار کے اختتام تک جاتا ہے۔